認叻

以前，我會覺得自己英文叻。讀大學果陣已經唔係好覺，出嚟做嘢之後完全唔覺。
以前，我會覺得自己國語好叻。去完台灣發覺呃唔到台灣人之後完全唔覺。
以前，我會覺得自己啲字好靚。做咗記者之後越嚟越唔覺。
以前，我會覺得自己唱歌好聽。中七歌唱比賽入唔到圍之後仲係咁覺得，大學歌唱比賽輸咗開始質疑，之前睇過台灣星光大道後又再次重拾信心，今晚睇完英皇新秀之後簡直想即刻參加。

有冇搞錯呀呢啲叫八強?同過我唱k嘅任何人都唱得好過果班女仔啦!唔係講笑，聽到啲女仔唱黑夜不再來、座右銘同愛你還愛你，我都有起雞皮嘅情況出現。我係真係覺得自己似睇緊殘酷一叮多啲。

仲有一樣我想認叻嘅嘢。我由畢業開始，覺得自己打中文好叻，無論打電腦定電話，到宜家都係。哈哈哈哈