我，梗係蘋果讀者!

近日地鐵站有一系列三張廣告，可能因為那個極有親切感的logo，可能因為廣告的內容，深深吸引我的注意。

廣告A: 女子在選美台上被司儀問:請問文革係咪極端民主? 女子話:離譜

廣告SLOGAN出現: 佢梗係蘋果讀者--調查顯示，蘋果日報讀者有大學學位以上程度比例為全港報章之冠

廣告B: 男子請同事食飯，同事話:又請?

廣告SLOGAN出現:佢梗係蘋果讀者--調查顯示，蘋果日報讀者收入為全港報章之冠

廣告C: 女童接受入學面試，老師問:你爸爸叫咩名呀? 女童說: BOSS，人人都係咁叫佢嘅.

廣告SLOGAN出現:佢梗係蘋果讀者--調查顯示，蘋果日報讀者為專業人士的比例為全港報章之冠

(內容只憑我的記憶，並非原文照錄)

看著這些廣告，我不禁發出會心微笑。我有大學學位，但收入唔係特別高，亦唔係專業人士，但我，梗係蘋果讀者!

由從前的員工變成讀者，心情好像沒有以前矛盾，雖然現在仍會對它又愛又恨，尤其當我看到那些像"香港人投得日本吞拿魚王"一流的頭版(三文魚可能容易接受啲，因為我都唔鍾意食吞拿魚)。看蘋果，從三年半以前好像變成了我的習慣，離開以後，不看蘋果的withdrawal symptoms反而更見強烈。不止一次，我只是有小小的空檔，於是找個茶餐廳嘆早餐，發現，沒有蘋果就是不行，雖然我發現，原來蘋果的新聞比一般主流報紙少(不知是記者問題還是老闆問題)，就連娛樂版也可以多次甩嘢，但我，就是要一日一蘋果。

圖片說明: 攝於06年8月1 日，anna banana的last day。現在才後悔，怎麼我在公司拍過的照這麼少。